AinHouse Pay
Кіру Тегін бастау

Нөлден бастау: қадамдап нұсқаулық

Тіркелуден нақты төлем қабылдауға дейін. Сіздің әрекеттеріңіз — шамамен 15 минут (бөлек SIM-⁠карта қолыңызда болса).

Тегін бастау API құжаттамасы

  1. Тіркелесіз 1 минут

    Телефон нөміріңізді жазасыз, WhatsApp-⁠қа келген бір реттік кодты енгізесіз, сосын ИП не ТОО атауыңызды жазып, офертаға келісесіз. Құпиясөз жоқ — кейін кіру де нөмір мен WhatsApp коды арқылы.

  2. Бизнес анкетасын толтырасыз 5 минут

    Не сататыныңызды, клиенттеріңіз кім екенін жазып, дүкеннің скриншотын қосасыз. Жіберген бойда касса мен нақты төлем ашылады — тексеруді күтудің қажеті жоқ. Анкетаны біз кейін қараймыз: тек заңды бизнесті қосамыз.

  3. Kaspi Pay-де кассир қосасыз 5 минут

    Kaspi Pay қосымшасында «Қызметкерлер» бөліміне бөлек SIM-картамен жаңа кассир-қызметкер қосасыз. Бұл бөлек нөмір болуы керек: сіздің негізгі Kaspi нөміріңіз емес.

    Сол кассир нөмірімен Kaspi Pay қосымшасына ешқашан кірмеңіз — әйтпесе сайттағы касса сессиясы үзіледі.

  4. Кассаны қосасыз 2 минут

    Кабинеттегі «Касса» бетінде кассир нөмірін жазасыз. Kaspi сол нөмірге SMS код жібереді — оны кассирден сұрап, енгізесіз. Сосын Kaspi көрсеткен ұйым атауы мен БСН/ЖСН-⁠ді растайсыз.

    7 күн тегін кезең осы сәттен басталады.

  5. Сайт жасайсыз 1 минут

    Кабинеттегі «Сайттар» бетінде сайт қосасыз. Екі кілт аласыз: нақты төлемге (qk_live_…) және тестке (qk_test_…). Кілттер бір рет қана көрсетіледі — сақтап қойыңыз.

  6. Төлем қабылдауды таңдайсыз

    Сайтсыз да болады: төлем сілтемесі (WhatsApp/Instagram-ға), кабинеттен шот не QR, кассаға басып шығаратын статикалық QR. Сайтыңыз болса: «Kaspi арқылы төлеу» батырмасы не WooCommerce плагині. Бағдарламашы болса: API мен webhook.

  7. Клиент төлейді — ақша сізге түседі

    Клиент Kaspi QR-⁠мен немесе Kaspi-⁠ге келген шотпен төлейді. Ақша тікелей сіздің Kaspi шотыңызға түседі — біз ақша ұстамаймыз. Кабинетте төлем «Төленді» болып шығады, сайтыңызға қолтаңбалы хабар (webhook) келеді.

    Kaspi өз комиссиясын бөлек алады (Kaspi тарифі), қалғаны сізге түседі.

  8. Жазылым

    7 күн тегін — карта деректері сұралмайды, ақша автоматты түрде алынбайды. Одан кейін айына 10 000 ₸. Кабинеттегі «Жазылым» бетінде Kaspi QR не Kaspi шоты арқылы өзіңіз төлейсіз.

    Төлемесеңіз, сервис тағы 3 күн жұмыс істейді, сосын жаңа төлем жасалмайды, бірақ кабинет пен тарих ашық қалады.

Дайынсыз ба?

7 күн тегін — карта деректері сұралмайды.

Тегін бастау